Nongstoiñ, Nohprah 07
Ka Football Committee jong ka Nongstoiñ District Sports Association ha ka Sngi Palei ka la rai ban pynsangeh shwa ïa ka lympung ïalehkai kynjatbol kaba la tip kum ka NDSA Premier League Football Tournament 2023-24 namar ka jingwan jong u slap kaba la ktah ïa ka madan ïalehkai.
Kane ka komiti ka la pynsangeh ïa ka jingïalehkai haduh ka 9 tarik mynta u bnai.
Haba phai ha katei ka lympung ïalehkai jong ka 1st Division, ka kynhun ïalehkai jong ka Marskuin ka la khur ïa ka jingjop hadien ba ka la lah ban pynliem noh ïa ka Lawse da 1-0 kol ha madan NDSA kaba ha Nongpyndeng.
Katei ka komiti ka la pynbna ba ha kaba ïadei bad ka jingïalehkai Super Division hapdeng ka Mawlarshong bad ka Upper New Nongstoiñ la pynsangeh noh namar ka jingktiah ka madan na ka daw ka jingwan jong u slap.
