Shillong, Nohprah 07
Ka kynhun ïalehkai jong ka Shillong Lajong F.C (reserve team) ka la lah ban pynliem ïa ka Harisinga FC kaba na Udalguri da 2-1 kol na ka bynta ban jam sha ka final ha ka lympung ïalehkai Golaghat Invitational Football Tournament 2023 ba la pynïaid da ka Golaghat District Sports Association
Kane ka nam jop ka la wan urlong lyngba ki kol ba la thep da u Banlamkupar Rynjah bad u Manjit Singh, kiba la ïoh ban thep mar shi kol ha ka sngi Palei.
Da kane ka nam jop, ka Lajong ka la ap ban ïaknieh nam lahduh pyrshah ïa kawei na ki kynhun ki ban ïakhun ia ka semi final kaba ar ha ka sngi Thohdieng hapdeng ka United Chirang Duar FC na Chirang pyrshah ïa ka Zasivipeseyie kaba na Kohima.
Ïa ka jingïakhun final yn pynlong ha ka 9 lane 10 tarik mynta u bnai namar ki bor pynïaid kin pat shym la lah ban pynthikna namar ka jinglong jong ka mariang.
