Amlarem, Nohprah 08
Ka Amlarem Social Club bad ka Seinbhalang Shkentalang ki la wan ha ka kyrdan kaba hakhlieh duh jong kane ka aïom ïalehkai Super Division Football League ba la pynïaid da ka Amlarem Sub Division Sports Association (ASSA).
Ha ka jingïakhun kaba mar hynñiew sien, ka Amlarem Social Club bad ka Seinbhalang Shkentalang ki la kamai mar 14 point. Ka Jarain SCC ka kamai 13 point, ka Dongmihsngi Mupyut (11 point), ka Youth Club Pdengkarong (8 point) bad ka Umladkhur SC (7 point). Katba ka Man I Bha SC ka kamai 5 point bad kaba khatduh eh ka dei ka Thangbuli YSWC, kaba la kamai 3 point.
