Nongstoiñ, Nohprah 08
Kum shi bynta ban jied ïa ki samla don sap na ka bynta ban leit ïashim bynta ha ka Meghalaya Games ka ban long ha Tura, ki nongpynïaid jong ka Athletic ka NDSA ki la pyntip ba yn pynlong ïa ka jingjied nongïalehkai athletic ha madan NDSA ha Nongpyndeng.
Ha ka kyrwoh khubor ba la phah da ki nongpynïaid jong ka Athletic NDSA West Khasi Hills District Nongstoiñ ki la ong ruh ba katei ka jingjied (trail) ïa ki khynnah ïalehkai kiba ïalehkai sha ka Meghalaya Games kan long ha ka 12 bad 13 tarik mynta u bnai naduh ka por 7:30 mynstep.
Shuh shuh la ong ruh ba katei ka jingjied ïa ki khynnah ïalehkai kan long kiba hapoh 14 snem 16 snem, 17 snem bad 18 snem shaneng.
Kumta, la kyrpad ïa baroh ki ba kwah ban leit kin sngew bha ban wan ha kitei ki sngi ba la pyntip ha neng. Ki dei ban wanrah lang ïa ki Birth certificate, Adhar card, bad ïa ki jingtip bakham bniah phone sha ki number 9856886081& 8787793245.
