Mexico City, Nohprah:
Ka Seismological Institute jong ka Mexico ha ka Sngi Palei ka la pyntip ba u jumai uba 5.8 Magnitude u la pynkhynñiuh ia ka phang pdeng jong katei ka ri ha katei ka step. Kane ka la pynlong ia ki paidbah nongshong shnong jong katei ka bynta ba kin hap ban phet kulmar sha ki surok bad shabar ki jaka sah jongki namar utei u jumai u la kham neh bad u la long ruh uba jur ban ianujor bad kiwei pat kiba la dep jia ha ki por ba la leit.
La ong ba utei u jumai ha katei ka sngi, u la pynlong ia ki kor ‘Siren’ ba kin riew bad sawa jam bad ba kin ai ia ka jingmaham kumba la buh ia kitei ki tiar ban ai jingtip bad ban riew jam ha ka por ba khynñiuh u jumai uba jur.
La ong ba utei u jumai u la sdang na ka phang Puebla bad u kham jur ruh na katei ka bynta jong ka Mexico.
