Shillong, Nohprah 08
Hadien ka jingjop ïa ka Churchill Brothers, ka Shillong Lajong FC kan pynkhreh biang ïa ka jingïakhun I-League ha la ïing pyrshah ïa ka Aizawl FC ha ka sngi U Blei ha SSA Stadium, Polo.
Kane ka kynhun ïalehkai napoh ka nongbah hapoh ka jingïalam u Bah Bobby L. Nongbet, ka la long kaba khlem pat shah rem naduh kaba sdang kane ka lympung. Ka la khur jingjop saw sien bad ïakhaid saw sien na ka bynta ban kamai 16 point na ki phra sien ïakhun.
Ka Shillong Lajong FC ka la kiew sha ka kyrdan balai ha ka lympung ïalehkai I-League, hadien ba ka la lah ban pynliem noh ïa ka Churchill Brothers da 2-0 kol ha ka sngi Balang ha SSA Stadium, Polo.
Ha ka jingïalehkai ba la lah, ka Lajong ka la jop da 2-0 kol pyrshah ïa katei ka kynhun kaba na Goa. Kumba ka long mynta ka Lajong ka dangïai sah ha ka kyrdan balai , ha kaba ka dangduna sa lai point ïa ka Mohammedan Sports kaba la bat ïa ka kyrdan ba hakhlieh
Na ka bynta kane ka jingïakhun, ki bor pynïaid ki la pynbna paidbah ba ka jingdie ïa ki tiket kan sdang naduh ka sngi Saitjaiñ ha kaba ki riew ieit phutbol ki lah ban ïoh ïa ki tiket na Electronic Centre kaba na Police Bazaar, Cafe Shillong na Laitumkhrah bad kumjuh na counter jong ka SSA.
