Shillong, Nohprah 08
Ka Jongksha SC bad ka Pohkseh SC ki la khur ïa ka jingjop ha ka lympung ïalehkai Second Division Football League 2023 ba la pynïaid da ka Shillong Sports Association ha ka sngi Thohdieng.
Ha ka jingïakhun kaba nyngkong kaba la long ha SSA Ground Polo, ka Jongksha ka la pynliem noh ïa ka Marbisu SC da 2-1 kol bad kane ka la wan lyngba u Jopborlang Khongsngi.
Watla kine ki kynhun kim shym la lah ban thep kol haduh kaba kut jong ka kylla step, hynrei ka Jongksha ka la ïoh ban pynkhih jar nyngkong eh lyngba u Jopborlang ha ka minit kaba 60. Hadien khyndai minit ka Marbisu ka la lah ban pynïakhaid kylla lyngba u Seiborlang Nongbri.
Hadien katto katne por ba la bteng ïa ka jingïakhun jong ka kylla miet, u Jopborlang u la thep biang sa shi kol ha ka minit kaba 73 na ka bynta ban pynlong ïa ka Jongksha ba kan khur syndon ïa ka jingjop.
Haba phai sha kawei pat ka jingïakhun kaba ar, ka Pohkseh SC ka la pynliem noh ïa ka Smit SC lyngba ka shi kol ba la thep da u Rainjoywell Wartda ha ka minit kaba 47.
