Guwahati, Nohprah:
Kum shi bynta ban ai jubab ha kaba ïadei bad ki jingthoh ba la wanrah da ka North-East Packed LPG Transporter Association (NEPLTA) ha ki lad pathai khubor, la ong ba ka Indian Oil kan sa paw pyrthei ha kaba ïadei bad ki jinglong jingman kiba dang ïai bteng bad ki nongpyndonkam umphniang kumba la kynnoh ba ki la pynlong da ki jingïakhih bad ki jingbym ïasngewthuh jingmut ha kaba ïadei bad ki jingsiew, ka la ong ba kam shym dei ka jingïakhih, hynrei ka jingpynkut noh ïa ka jingtreikam jong ki kali namar ka jingpynsah ïa ka jingsiew kaba la long naduh u snem 2018.
Baroh ki jingsiew basah kumba ka kynnoh, la ong ba la dep ban pynkhuid da ka Indian Oil, bad ba ym shym don shuh kaba dang sah ne ka ban dang hap siew. Ka jingsiew ïa kiba shah kynthup ha ki RTKMs ha Silchar BP la dep ban pyllait.
Ha kaba ïadei bad kane, la ong ba ka jingsah teng ban siew ïa ka pisa kaba dang sah na ka bynta kiwei pat ka dei ïa kiba mihkhmat ïa ka NEPLTA naba kim shym la ïashim bynta ha ka jingshah ithuh, ha kaba kane ka la sahteng naba dang bteng ki jingpyntreikam ban weng ïa kine ki jingeh.
Ka jingpynshisha kaba ar ka long ha kaba ïadei bad ki rukom pyntreikam kumba la buh dor ha u snem 2011 kam shym treikam namar ba kane ka por mynta ka la ïakynduh jingeh na ka jinghiran. Haba khmih bniah halor kine ki jingshisha, ka Indian Oil ka la kyntu ïa ka NEPLTA ba kan khmih bniah ïa ka bynta ba ka don bad ban don bynta ha ka ban ïakren da kaba shai na ka bynta ban lah ban weng ïa ki jingeh bad ban pynïoh jingmyntoi ïa baroh ki nongpyndonkam.
