Shillong, Nohprah 08
Ka Shillong Sports Association kan pynlong ïa ka prokram jied nongïalehkai athletics ki ban mihkhmat ïa ka East Khasi Hills District sha ka 5th Meghalaya Games ka ban long ha Tura ha u Kyllalyngkot jong u snem thymmai.
Kane ka prokram jied nongïalehkai kan long ha ka 12 tarik mynta u bnai ha ka SAI Training Centre kaba ha NEHU naduh ka por 9 baje mynstep.
Kat kum ka kyrwoh ba la pyllait da u Bah Finely Pariat, Secretary ka SSA la ong ba ki rta jong ki khynnah ïalehkai kynthei bad shynrang ki dei ban long 16 snem shaneng bad kiba hapoh 22 snem. Ïa ki jingtip kiba bniah ki lah ban phone ha ki number 9856041365 & 9402502319.
