New Delhi, Nohprah:
U Myntri Rangbahduh Narendra Modi u la ai khublei ïa u nongïalam jong ka Zoram People’s Movement (ZPM) u Lalduhoma halor ka jingshimti jong u ïa ka shuki kum u Myntri Rangbah jong ka jylla Mizoram hadien ba u la dep ban bam smai.
Ha ka jingphah khubor ha ka rynsan X, u Myntri Rangbahduh u la ong, ” ka jingkhublei sha u Pu. Lalduhoma uba la dep ban bam smai kum u Myntri Rangbah jong ka jylla Mizoram. Ka sorkar kmie kan sa ïatreilang ryngkat ryngkat bad kane ka sorkar kaba thymmai khnang ban lah ban pynurlong ïa ki jingthmu bad ki jingthrang jong ki briew ka jylla Mizoram.” Ka seng Zoram People’s Movement (ZPM) ka la ïoh ïa ka jingjop ha ka jingïakhun ïa ka ilekshon Assembly kaba dang shen, ha kaba ka la jop ha ki 27 tylli ki konstitwensi bad ka la ïohlad ban lamkhmat ïa ka sorkar ha Mizoram na ka bynta ki san snem.
