Chandigarh, Nohprah:
Ha Chandigarh ki la don kumba 64 tylli na ki 238 tylli ki jingjia tyngkhuh kali kumba la ïoh jingtip ba ki la jia hapdeng ka por 9 baje mynmiet haduh ka por shiteng synñia ha kaba la pynbud da 36 tylli ki jingjia tyng-khuh kali ba la jia hapdeng ka por 3 baje mynstep bad 3 baje mynmiet haduh 6 baje janmiet bad 35 tylli hapdeng ka por 6 baje janmiet haduh ka por 9 baje mynmiet.
Haba la shim kyllum, la ong ba kiba bun ki jingjia takhuh kali ha ki jylla bad ki UT bad kiwei pat ki nongbah ki dei kiba ju kham jia hapdeng ka por 6 baje janmiet haduh ka por 9 baje mynmit.
Haba kren halor kane, u dkhot jong ka National Road Safety Council u Kamaljeet Singh Soi, u la ong, “Ka Chandigarh ka don ki surok ba la shna bha bad hapdeng ka por 9 baje mynmiet haduh ka por 12 baje janmiet ym ju ïohi shuh ïa ki pulit pynïaid kali. Namar kane ka daw, ki briew ki ju shim kabu ban pynher sted ïa ki kali bad ju don bun ruh ki briew kiba ñiah kali ha ka por ba ki dih buaid, ha kaba kine baroh ki ju wanrah ïa ki jingjia tyngkhuh kali.”
Ki pulit pynïaid kali ki la dei ban don ka jingpyntreikam kaba hap ban ïakylliang briew ban ïa kaba kham bniah ha ka por mynsngi, ka kynhun ki pulit ka la dei ban nang pynjlan ban treikam ha ka por mynmiet, u la bynrap
Khnang ban lah ban tehlakam ïa kum kine ki jingjia, ki bor ba dei khmih ki la ïai bteng ha ka ban pynlong ïa ka jingkhmih bniah ha ki jaka ba ju jia khah khah ki jingjia tyng-khuh kali.
