Mumbai, Nohprah:
Ki pulit pynïaid kali ha Mumbai ki la ïoh lum haduh T. 579 klur kum ka khajna naduh ba la pyntreikam ïa ka E-challan System ha u snem 2019, bad ka pisa kaba la ïohlum haduh ka 20 tarik, Naiwieng jong mynta snem ka la long da T. 46 klur kaba bun ban ïa ka jong u snem 2022.
Ka pisa ba la ïoh ban lum kum ka jingdaiñ kuna ha u snem ka la sakhi ba ka la bun tam ha kaba ïadei bad ka jingïoh lum kumba long ha ki snem ba la leit ha kaba ïadei bad ka jingpyntreikam kum ka jingleit mih sha Lok Adalats bad phah ïa ki jingthoh sha ki nongpynkheiñ aiñ ha kaba ki la hap ban siew ïa ka kuna kaba long hapoh ki 15 sngi ne ban leit mih da ki hi hakhmat u Magistrate hadien ba ka la don ka jingmudui, la ïathuh ka tyllong khubor kaba la wan na ki pulit.
Ki la don palat 18 lak tylli ki e-challan ïa kiba la pyndonkam ha u snem 2019, ha ryngkat ka jingdaiñ kuna kaba T. 59.7 klur.
Ha u snem 2020, ka jingdon jong ki e-challan ka la hiar sha ka 14 lak namar ka jingdon jong ka khlam.
Ki la don palat 37 lak tylli ki e-challan ïa kiba la pynmih ha u snem 2021, katba ha u snem 2022, ki la don 33 lak tylli ki e-challan ïa kiba la pynmih ha ka jingïohlum kuna kaba la kot sha ka T. 159.4 klur.
Kumba ka la long haduh ka 30 tarik, Naiwieng, ki la don kumba 36 lak tylli ki Challan ïa kiba la pyndonkam ha u snem 2023, ha kaba ka jingïohlum kuna ka la por sha ka T. 205.8 klur.
Ki la don kumba 10,656 ngut ki nongpynkheiñ aiñ ïa kiba la ïoh da ki e-challans kaba ki la dei ban siew ha ka dor kaba T. 20,000 ha une u snem ki bym pat lah ban siew.
Ki heh ba dei khmih, ki la ong ba kin sa shim da ki sienjam na ka bynta ban ïoh ban lum lut ïa katei ka kuna kaba dang sah.
