Chennai, Nohprah:
Ki la don baroh kumba 15 ngut ki briew ba la shah rah ban tohkit ha ka kynhun National Investigation Agency ha ka sngi Saitjaiñ hadien ba la pynlong ïa ki jingleit khynra ha ki 41 tylli ki jaka kiba don ha Maharashtra bad Karnataka ha kaba ïadei bad ka jingtohkit halor ka jingdon ka jingïasuhbuit sniew jong ki lehnoh Islamic State. Kine ki briew kiba la shahkem ki dei kiba na Pune bad ki la don bynta bad ki lehnoh Islamic State.
Kumba la ïathuh ka tyllong khubor, la ong ba ka jingleit khynra ka dang bteng ha ki katto katne tylli ki jaka kiba don ha Karnataka, katba ha Maharashtra, ki jingleit khynra ki la long ha ka nongbah Pune, Thane Rural, Thane bad Mira Bhayandar. Kumba la ïathuh ka tyllong khubor kaba la wan na ka kynhun National Investigation Agency la ong ba ki la ïoh jingtip ba ki la don ki briew ïa kiba la shah suba donkti ha ka jingïasuhbuit sniew bad ki lehnoh kiba shabar ri bad don bynta ruh ha ki kam pyntriem bad ki lehnoh ISIS kiba shabar ri,ka jingtohkit ha kaba ïadei bad kane ka dang ïai bteng.
Kumba la pynlong ïa ka jingtohkit kaba hashwa, la ong ba ki la don kumba katto katne ki kynhun jong ki nongïarap kiba bud bad kyrshan ïa ki lehnoh ISIS ha India.
