Jowai, Nohprah 10
Ka Niaw Wasa Sports Club ka la rung sha ka jingïakhun final jong ka lympung ïalehkai Super Division Football Tournament-Kiang Nangbah Memorial Trophy 2023 ba la pynïaid da ka West Jaiñtia District Sports Association (WJDSA).
Kane ka la wan urlong hadien ba ka Niaw Wasa ka la lah ban pynliem noh ïa ka Sailung Ialong Sports Club da 2-1 kol ha ka jingïakhun semi final kaba lai kaba la long ha madan Kiang Nangbah Stadium Ladthadlaboh, Jowai ha ka sngi Saitjaiñ.
Ïa ki ar kol jong ka Niaw Wasa la thep da u Niponghi Sumer ha ka minit kaba 11 bad u Risanlang Dkhar ha ka minit kaba 52, katba ïa ka shi kol jong ka Sailung Ialong la thep da u Soniroy Suchiang ha ka minit kaba 50.
Ka jingïakhun final kan long hapdeng ka Ladthadlaboh Sports Club bad ka Niaw Wasa.
