Shillong, Nohprah 11
Ka lympung ïalehkai 3rd Meghalaya Open Softball Championship 2023 ba la pynïaid da ka Meghalaya Softball Association (MSA) ka la sdang ha ka Lah Sngi U Blei ha madan Second Ground, Polo. Ha kane ka sngi u Assistant Director ka tnat ïalehkai u Bah Paia War Nongbri u la long kum u kongsan bad ban plie syndon ïa kane ka lympung ïalehkai kaba lai sngi.
Ha kane ka kynti la don mar 6 tylli ki kynhun ïalehkai jong ki kynthei bad shynrang kiba la wan ban ïashim bynta kaba la phiah ha ki ar group.
Ha ka liang ki kynthei, ha ka Group-A ki long ka Dkhiah (East Jaiñtia Hills District), Nongstoiñ (West Khasi Hills Dis-trict), Nongpoh (Ri Bhoi District), ha ka Group-B ki kynhun ïalehkai kiba la pynïakap ki long ka Mawsynram (East Khasi Hills District), Jowai (West Jaiñtia Hills District) bad Mawkyrwat (South West Khasi Hills District).
Haba phai ha ka liang ki khynnah shynrang, ki kynhun ba la pynïakap ha ka Group-A ki long ka Mawkyrwat (South West Khasi Hills District), Lynti Jam (Ri-Bhoi Dis-trict) bad Mairang (Eas-tern West Khasi Hills District), ha ka Group-B pat ki kynhun ba la pynïakap ki long ka Jowai (West Jaiñtia Hills District), Mawsynram (East Khasi Hills District) bad Dkhiah (East Jaiñtia Hills District).
Ha kane ka sngi la sakhi lang ruh da u President ka synjuk u Dr. Aman War, u Bah Joe Marweiñ, ki dkhot nongkit kam ka MSA, ki nongpyniaid lem bad ki khynnah ba ïalehkai bad ïa ki kyntien pdiang sngewba la ïoh na Bah Denis Sha-bong, Working President ka MSA.
Haba kren kum u kongsan u Bah Paia u la pyntip ba ha ka lympung ïalehkai jong ka Meghalaya Games, ban long ha Tura, ka Meghalaya Soft Ball Association kan shim ïa ka kabu ba kan pynlong ïa kane ka jingïalehkai kum ka demonstration bad lyngba kane u Bah Paia khlem artatien u sngew ban sa ïoh shuh ïa ki nongïalehkai ban ïashim bynta ha ki snem kiban wan.
Shuh shuh u Bah Paia u sngew ruh ban pynpaw ïa ka jingkmen ban ïohi ba ka softball ka la ïoh ïa ka lad ba kan suhthied ha kane ka bynta jong ka ri da kaba bynrap ba un jin da la kmen ba un shem bad ïohi ba kiwei kiwei ki district ruh kin wan ban ïakhun sha kane ka lympung, khamtam ia ki kynhun ba dei napoh ri lum Garo.
Ka jingïalehkai jong ki kynthei ha kane ka sngi sdang ka Mawkyrwat (S.W.K.H.D) ka la shah rem noh ha ka Nongpoh (RBD) da 11-15, katba ka Lynti Jam (RBD) ka la pynliem noh ïa ka Mairang (E.W.K.H.D) da 14-2 bad ka Jowai (W.J.H.D) ka la jop ïa ka Mawsynram (E.K.H.D) da 11-10.
Haba phai sha ki jingïakhun jong ki shynrang, ka Mawsynram (E.K.H.D) ka la pynliem noh ïa ka Mawkyrwat (S.W.K.H.D) da 11-1, ka Dkhiah , E.J.H.D ka la jop ïa ka Nongstoiñ (W.K.-H.D) da 12-1 bad ka Jowai (W.J.H.D) ka la pynliem noh ïa ka Maw -kyrwat (S.W.K.H.D) da 11-10.
