Amlarem, Nohprah 11
Ka Seinbhalang Shkentalang ka la jam sha ka final ha ka lympung ïalehkai Super Division Football League ba la pynïaid da ka Amlarem Sub Division Sports Association (ASSA).
Kane ka la wan hadien ba ka Seinbhalang Shkentalang ka la lah ban pynliem ïa ka Amlarem Social Club lyngba ka tie-breaker da 4-3 kol ha ka jingïakhun semi final kaba la long ha madan Mini Stadium Ladjaplem, Amlarem ha ka Lah Sngi U Blei.
Ha ka jingïakhun semi-final (Eliminator), ka Jarain SC ka la pynliem ïa ka Dongmihsngi Mupyut da 1-0 kol bad ïa kane ka shi kol jong ka Jarain la thep da u Puson Rymbui ha ka minit kaba 53.
Ka jingïakhun semi final kaba lai kan long haka 14 tarik Nohprah hapdeng ka Amlarem SCC pyrshah ïa ka Jarain SC ha ka por 1 baje nohphai sngi.
