Shillong, Nohprah 12
Ka executive committee jong ka Wrestling Federation of India (WFI) kan pynlong ïa ka ilekshon ha ka 21 rarik mynta u bnai. U Returning officer u MM Kumar, uba dei u Chief Justice ba la shongthait jong ka High Court ka J&K, u la pynmih ïa kane ka jingpynbna halor kane ka bynta.
U RO u la shim ïa ka jingkitkhlieh ban pynlong ïa ka ilekshon, ka jingñiew vote bad ruh ban pynbna ïa ki kyrteng jong ki nongjop. Hadien ka jingïamir jingmut bad ka ad-hoc committee, kaba long ka nongpynïaid ia ki kam ki jam hadien ka jingshah sospon ka WFI, la lah ban pynbna ïa ka tarik ban pynlong ïa ka ilekshon.
Ïa ka ilekshon la pynsangeh da ka Punjab bad ka Haryana High Court ha ka 11 tarik u Nailar kata shi sngi shwa ban sdang ka jingthep vote. Hadien na ka liang ka Supreme Court ka la phah pynsangeh ïa kane ka bynta.
Kat kum ka jingpynbeit kaba thymmai, ïa kane ka ilekshon yn pynlong ha ka general body meeting kaba kyrpang ha ka 21 tarik u Nohprah naduh ka por 11 baje haduh 1 baje janmiet, katba ka jingñiew vote kan long ha ka 1:30 jnmiet. Katba ïa ki kyrteng jong ki nongjop yn sa pynbna hadien ba la lah ban pyndep ïa ka jingñiew vote.
