New Delhi, Nohprah:
Katkum ki khubor la ong ba ki 193 ngut ki dkhot jong ka United Nations General Assembly ki lah ban ai ia ka rai bad ka jingkyrshan ne jingpyrshah ha ka Sngi Ba-ar haba iadei bad ka jingkhot ban phah sangeh noh ia ka thma hapdeng ka Israel bad ka Hamas na ka bynta ban ioh pynpoi ia ki lad jingiarap sha ki paid nongshong shnong ka Palestine hapoh Gaza.
Kane ka khubor ka long ruh hadien ba ka U.S. ka la dawa ia ka U.N.Security Council ba dei ban pynsangeh noh ia ka thma jong ka Israel ha Gaza.
Ka General Assembly ha u Risaw ba la leit, ka la ioh ruh ia 14 tylli ki jingpyrshah bad 44 tylli ki jingkyrshan na ki 121 ngut ki dkhot ha ka jingiashim rai ha utei u bnai.
