Shillong, Nohprah 12
Ka Uttar Pradesh ka dang ïoh ban lamkhmat ha ka Khelo India Para Games 2023 da kaba khur haduh 10 tylli ki takma ksiar, 7 ki rupa bad 2 ki rnong haduh ka sngi Ba-ar.
Ha kane ka lympung ïalehkai kaba la sdang naduh ka Sngi U Blei, la wan ïashim bynta da 1,400 ngut ki nongïalehkai ba kynsai (para athletes) na kylleng jong ka ri.
Ka Haryana ka la long ka jylla kaba la wan ha ka kyrdan ba-ar ha kaba ka la khur 9 tylli ki takma ksiar, 15 ki rupa bad 6 tylli ki takma rnong.
Kane ka KIPG 2023 ka dei ka lympung ïalehkai ba la shim khia da ka Sorkar Pdeng, kynthup ruh ïa ka Khelo India Youth Games, Khelo India University Games bad ka Khelo India Winter Games.
Haduh mynta ki don haduh san tylli ki Khelo India Youth Games, lai ki Khelo India University Games bad lai tylli ki Khelo India Winter Games kiba la lah ban pynlong hapoh ka Khelo India na ka bynta ban sei ïa ki nongïalehkai kiba don ïa ki sap ïalehkai kiba kynsai.
Ki jingïalehkai kiba la lah ban pynlong ha kane ka lympung ki don hynñiew tylli kiba kynthep ïa ka para athletics, para shooting, para archery, para football, para badminton, para table tennis bad ka para weightlifting (powerlifting) ïa kaba la pynlong ia ki lai tylli ki jaka ïalehkai jong ka Sports Authority of India (SAI) kata ha Indira Gandhi Stadium, Shooting Range kaba ha Tughlakabad bad ha Jawaharlal Nehru Stadium.
Ïa kane ka lympung yn pynkut ha ka 17 tarik mynta u bnai.
