Nongstoiñ, Nohprah 12
Ka kynhun ïalehkai na Kolkata, ka Peerless FC ka la khur ïa ka jingjop ha ka lympung ïalehkai Invitation Knockout Football Tournament 2023- 24 ba la pynlong da ka New Nongstoiñ Sports Social & Cultural Club.
Ka nam tam jong ka Peerless ka la wan hadien ba ka la lah ban pynliem noh ïa ka kynhun ïalehkai na Jaiñtia Hills, ka 7 Wasa da 2-0 kol ha ka sngi Ba-ar ha madan New Nongstoiñ.
Ha kane ka jingïakhun baroh ar ki kynhun ki la pyrshang ban ïakhun tyngeh naduh kaba sdang ha kaba kim shym la lah ban thep kol haduh kaba kut jong ka kylla step.
Hadien katto katne por ba la bteng ïa ka jingïakhun jong ka kylla miet ba ka Peerless la ïoh ban pynkhih jar nyngkong ha ka minit kaba 65 lyngba u Surajit Nayak. Hadien lai minit kane ka kynhun ka la pynbud biang ïa ka kol kaba ar lyngba u Blanang khongsdam. Haduh kaba kut ka jingïalehkai ka 7Wasa kam shym la lah shuh ban pynphai bad ka la mad ïa ka jingshah rem.
Ïa ka nam ‘rang jong ka jingïalehkai la ïoh da u rangapkol ka Peerless FC u Satyabrata Manna.
