Jowai, Nohprah 12
Ka Rymbai Shkenshynriah SC ka la jam sha ka final ha ka lympung ïalehkai Super Division Football Tourna-ment kaba la pynïaid da ka East Jaiñtia Hills District Football Association (EJHDFA). Kane ka wan urlong hadien ba ka la lah ban pynliem noh ïa ka Rymbai Ïawpynsing da 2-1 kol ha ka semi final kaba la long ha madan Artificial Turf Diengshynrum, Khliehriat ha ka sngi Ba-ar.
Ka jingïakhun ha kane ka jingïalehkai ka la long kaba khluit bha naba ki rangïalehkai na baroh arliang mamla ki la shah sei red card ha u rephri.
Ïa ki kol jong ka Rymbai Skhenshynriah la thep da u Hikaidame Bareh tang ha ka minit kaba 5 bad u Roiboklang Bareh ha ka minit kaba 96. Katba ïa ka kol jong ka Rymbai Iawpynsing SC la thep da u Hesmiki Rymbai ha ka minit kaba 90+2.
Lyngba kane ka jingjop, ka Rymbai Shkenshynriah kan pynkhreh ban ïakhun final pyrshah ïa ka Sutnga SC ha ka 15 tarik ha ka por 1 baje nohphai sngi.
