Agartala, Nohprah:
U Lat jong ka jylla Tripura u Indra Sena Reddy Nallu u la wer ïa baroh bad kyntu ban ïasnohktilang ha ka jingïakhun pyrshah ïa ki kam sniew kiba mih na u drok kiba la jyllei hapoh ka jylla.
Kum shi bynta ban kyntu ha ka ban pyntreikam da kaba kyrkieh na ka bynta ban tehlakam ïa ka jingbun ki kam sniew kiba la mih na u drok, u Lat u la rai ba kino kino kiba ïarap bad kyrshan ha ki kam ba ïadei bad u drok kin sa shah ñiew kum ki nongshun kiba pyrshah ïa ka ri, khnang ba kan lah ban pynduna ha kaba ïadei bad ki jingpyndonkam bakla ïa une u jingdih pynbuaid.
U Lat u la kyntu ïa ki briew ba kim dei ban ai ka jingïarap ne ka jingkyrshan sha ki nongkhaïi drok khnang ba kin lait na ki jingshah pynshitom katkum ki kyndon aiñ.
Ha kaba ïadei bad kane ka jingthmu ki heh ba dei khmih kumba la khmih lynti, la ong ba kin sa pyntreikam ïa kiba bun ki lad ki lynti, kynthup ha kaba ïadei bad ki jingleit khynra, ki prokram ai jinghikai bad pynsngewthuh sha ki paidbah bad ka jingplie lad ban ai ki jingïasyllok bad ka jingai jingsumar ïa kito kiba la ngop ha ka jingdih kyrni ïa u drok.
