Lucknow, Nohprah:
Kumba la sakhi, la ong ba ka jingpyntreikam ha kaba ïadei bad ka jingweng noh ïa ka jingithuh jong ki 199 tylli ki Secondary Schools kiba hap hapoh ka jingkhmih jong ka UP Board, ïa kaba hashwa la tip kum ka Uttar Pradesh Madhyamik Shiksha Parishad (UPMSP), ha kylleng ka jylla na ka bynta ki jingdkoh treikam jong ki.
U Secretary ka UP Board, u Dibyakant Shukla u la phah ïa ka thup kyrteng jong kine ki skul sha baroh ki District Inspectors of Schools (DIOSs) lyngba ki jaka treikam ki Additional Secretaries of Prayagraj, Meerut, Varanasi, Bareilly bad Gorakhpur Regional, jong ka Board, ha kaba la hukum ïa ki ba kin pyntikna ba kine ki skul kim dei kiba la shah pynlong Centre na ka bynta ka High School bad Intermediate Examinations of 2024, ka ban sa long ha ka taïew ban wan, la ong ki heh jong ka State Secondary Education department Aware of the Development.
Kiba bun na kine ki skul kiba la don ha ka thup kyrteng, ki dei kiba la don ïa kiba bun ki jingjia ba la paw pyrthei ha kaba ki la mih shibun ki jingdkoh treikam bad ka jingleh thok ha ka por ba don ki Board bad Competitive Examinations ha ki snem ba la leit.
“Nalor kine, ki la don ruh kumba katto katne tylli, ïa kiba la ïarap ha ka ban pynleh thok ha ka por ba don ki Competitive Exams naba la pynlong Centre ïa ki ne leh ïa kiwei pat ki kam beaiñ,” la bynrap ki heh ba dei khmih.
Kumba la ïoh jingkheiñ la ong ba ki la don kumba 253 tylli ki skul ïa kiba la dep ban shah kyntait lypa ban pynlong Centre ïa ki da ka UP Board na ka bynta ka jingkhmih bniah jong ka na ka bynta ki jingpyntreikam ha u snem 2024 jong ki klas 10 bad klas 12.
Ki 199 tylli ki skul ïa kiba ka jingpyntreikam ka dang bteng ha kaba ïadei bad ka jingshah ithuh ki kynthup ïa 16 tylli ki skul jong ka Ghazipur, mar 12 tylli ha Ballia bad Mau, 8 tylli ha Lucknow, 7 tylli ha Shahjahanpur bad mar 6 tylli ha Firozabad, Hapur bad Meerut bad kumjuh mar 5 tylli ha Kanpur Nagar, Hardoi bad Hathras distrik.
Ki kyrteng jong ki saw tylli ki skul jong ka Prayagraj ruh ki la don ha kane ka thup. Kine ki kynthup ïa ka New Children Public School, Sindhitola of Shankargarh, Bachai Singh Singaur Inter College of Chandrasenpur, UD Memorial Inter College of Asrave Kalan and Pancham Lal Ashram Inter College, Ghiyasuddinpur of Transport Nagar.
Ki la don baroh kumba 55,08,206 ngut ki khynnah skul ïa kiba la pynrung kyrteng na ka bynta ban leh ïa ka UP Board High School and Intermediate Exams-2024.
Kine ki kynthup ïa 29,47,324 ngut ki khynnah High School ha kaba 15,71,686 ngut ki dei ki khynnah shynrang bad 13,75,638 ngut ki dei ki khynnah kynthei bad kiwei pat kiba don 25,60,882 ngut ki dei ki ban leh ïa ka Intermediate Exams, kine ki kynthup ïa 14,12,806 ngut ki khynnah shynrang bad 11,48,076 ngut ki khynnah kynthei, kine ki dei kiba la lah ban pyndep nadong shadong ïa ka jingpynrung kyrteng jong ki.
