Guwahati, Nohprah:
Ki la don kumba 300 ngut ki nongbud barim jong ka seng AASU kiba la leit ban pynïasoh bad ka seng BJP hynnin ka sngi ha ka prokram pynrung dkhot kaba heh kaba la long ha Vajpayee Bhawan, Guwahati.
Hashwa ban pynlong ïa kane ka prokram ka la don shwa ka jingïaid paidbah da ki kali ar shaka ba la lamkhmat da u nongïalam barim jong ka seng AASU u Dibyajyoti Medhi ïa kaba la sdang na Khanapara sha Vajpayee Bhawan ha kaba ki nongbud jong ka seng ki la leit ban pynïasoh bad ka seng BJP.
U nongïalam barim jong ka Raijor Dal u Kamal Kumar Medhi ruh kumba la khmih lynti hashwa un pynïasoh bad ka seng BJP. Hashwa, u Kamal Kumar u la long u dkhot jong ka seng AAP, Congress bad Raijor Dal.
U khun jong u MP barim jong ka seng Congress u Kirip Chaliha u Arkashish Chalihayo u la don jingthmu ban leit pynïasoh bad ka seng.
