Chandigarh, Nohprah:
Ki la don baroh kumba 2,400 ngut ki briew kiba la shahkem halor ka jingdonkti ha kiba bun ki kam beaiñ ha Chandigarh ha u snem 2022. Kane ka la long da 53.8% ïa kiba don ha ka rta naduh 18 snem haduh 30 snem, la pynpaw ka kaiphot ba la pyllait da ka National Crime Record Bureau (NCRB).
Ki la don baroh kumba 1,293 ngut kiba la shah kynnoh kiba don hapoh kitei ki rta ba la kdew hashwa, ha kaba kane ka la pynpaw ïa ka jingnang kylla ka jingim ki samla kiba don hapdeng ka rta ba hapoh 20 kiba ju pynjur ha ka ban leh ïa ki kam beaiñ.
Kiba don hapdeng ka rta kaba naduh 30 haduh 45 snem ki paw ba ki dei sa kawei pat ka kynhun kaba don ïa 640 ngut kata (26.6%) kiba la shahkem hadien ba ki la leh ïa ki kam beaiñ jong ki.
Kiba bun na kine kiba la shahkem ki dei kiba la don ha ka rta kaba 30 snem, la ïathuh ki pulit.
Hadien kine, la bud da ka kynhun kaba kynthup ïa kiba don hapdeng ka rta kaba 45 bad 60 snem, naba 301 ngut napdeng kiba la shahkem ki dei kiba hapdeng kine ki rta.
Kiba dang poh rta ïa kiba la shahkem ha Chandigarh ki la long tang 4.7% napdeng ka jingdon jong kiba la shahkem.
Kumba la pynkynmaw, la ong ba haba la shim jingkheiñ la ong ba kiba bun ki nongpynkheiñ aiñ ki dei ki shynrang, ha kaba kine ki la don da 95% na ka jingdon jong baroh kiba la shahkem ha u snem 2022.
Napdeng kiba la shahkem kiba don 2,400 ngut kiba la shah pynngat halor kiba bun ki kyndon jong ka Indian Penal Code, 2,281 ngut ki dei ki shynrang bad 119 ngut ki dei ki kynthei.
Napdeng ki Union Territory, ka Delhi ka la paw ba ka la don hakhlieh eh ha u snem 2022 ha kaba ki la don baroh kumba 1.2 lak ngut kiba la shahkem.
Ha kaba la bud da ka Jammu & Kashmir (J&K) ha kaba ki la don da 42,310 ngut kiba la shahkem. Baroh 58,649 ngut napdeng kiba la shahkem ha Delhi ki dei kiba don ha ka rta kaba 18 haduh 30 snem.
Ha J&K, ki 17,705 ngut napdeng kine kiba la shahkem ki dei kiba don hapdeng kine ki rta.
