Agartala, Nohprah:
Da ka jingdon jong ka ilekshon Lok Sabha 2024, ka seng kaba bat ïa ka bor synshar ha Tripura ka Bharatiya Janata Party ka la thung ïa ki briew ki ban lum jingtip shaphang ka jingsngew jong ki paidbah ha ki 20 tylli ki konstitwensi riewlum.
Ha ka General Assembly ilekshon 2023, ka seng BJP ka la ïoh ban rah ïa ka jingjop tang ha ki 7 tylli ki konstitwensi na ki 20 tylli ki konstitwensi naba dang dep thaw thymmai ïa ka TIPRA Motha ha kaba ka la wanrah jingjop ha ki 13 tylli ki konstitwensi.
Kum shi bynta ban phai khmat ha kaba ïadei bad ka ilekshon Lok Sabha, ka seng ka la phah ïa 20 ngut ki nongïalam na kiba bun ki bynta ba kin leit ban lum ïa ki jingtip kiba bniah shaphang ka jingtreikam hapoh kine ki konstitwensi. Hadien ba la dep ba lum jingtip, kine ki dkhot kin sa phah ïa ki kaiphot sha u President jong ka seng ha ka jyla ha kaba yn sa khmih bniah ïa ki rukom pyntreikam ha ka jingïalap ilekshon ha ka jylla.
