Guwahati, Nohprah:
Uwei u lehnoh barim jong ka kynhun lehnoh Naga ka Naga National Council (NNC) u la shah pynïap ha Cachar distrik kaba don ha Assam ha ka Sngi Ba-ar.
Une u briew u la shah siat ïap ha ka por ba la don ka jingïakajia bad ki dkhot barim jong ka seng halor ka kam pisa hajan ka khappud Assam-Manipur jong ka thaiñ Jirighat ha ka por shiteng sngi.
Ïa une u briew uba la ïap la tip kyrteng kum u Gaidinchungpow Rongmei (56), uba dei u nongshong shnong jong ka Rongaijan ha Jirighat.
Ka kynhun pyntriem ha kaba une u lehnoh u la don mynshwa ka dei kaba la ïasoi soskular ban sangeh ïasiat bad ka sorkar, la ïathuh ki pulit.
Ki pulit ki la lap ïa ka metïap jong une u briew na lyngkha kba hadien ba la ïoh jingtip shaphang kane ka khubor na u Chairman jong ka shnong Namdailang.
“Ki la don bynta ha ka jingïakynduh ban ïakren ïa ki kam ba dang sah, ha kaba ka la mih ka jingïakynad para ma ki. Ka jingsiat ka la jia shabar jong katei ka jaka ba la pynlong jingïalang,” la ong u heh pulit.
“Ngi dang pynlong ïa ka jingtohkit ha kaba ïadei bad kane ka jingjia,” u la bynrap. Ki heh pulit ki la leit mar mar sha katei ka jaka ba la jia kane ka jingjia.
