Shillong, Nohprah 14
Ka lympung ïalehkai “1st Meghalaya International Open Grand-masters Chess Tournament 2023” ka la nangjam shaphrang ha ka sngi kaba ar ha SAI Indoor Training Hall kaba don ha NEHU.
Ha kane ka lympung la wan ïashim bynta da ki Grandmaster jong ki khadwei tylli ki ri ka pyrthei kynthup napoh ri India.
Ha ki jingïalehkai kiba la long ha ka sngi Palei, Pantsulaia Levan (Georgia) u la pynliem noh ïa u Soni Krishan (Delhi). U Kumaresh A (Tamil Nadu) u la shah rem ha u Aronyak Ghosh (West Bengal). U Vivaan Vishal Shah (Gujarat) u la jop ïa u Savchenko Boris (Russia). U Dzhumaev Marat (Uzbekistan) u la pynliem noh ïa u Bhoopnath (Bihar).
Kumjuh u Rajdip Das (Assam) u la shah rem noh ha u Shahil Dey (Assam), katba u Neelotpal Das (West Bengal) u la jop ïa u Abhrojyoty Nath (Assam). U Heikrujam Jacky Singh (Manipur) u la shah rem noh ha u Nguyen Duc Hoa (Vietnam).
U Shourya Paul (West Bengal) u la shah rem noh ha u Soumya Swaminathan (PSPB), u Ratnakaran (Kerala) u la pynliem noh ïa u Rohith Yadav (Telangana), katba u Soureen Bhattacharya (West Bengal) bad u Elgabry Mohsen (Egypt) ki la ïakhaid.
