Khliehriat, Nohprah 14
Ka Felicia Sympli bad ka Russia Dkhar ki la khur ïa ka hat-trick ha kaba sdang ïa ka lympung ïalehkai ki kynthei ba la tip kum ka 2nd (L) Mary Tlang Memorial Trophy.
Ïa kane ka lympung ïalehkai la pynïaid da ka East Jaiñtia Hills Dis-trict Football Association (EJHDFA) ha ka sngi Palei ha madan Artificial Turf Diengshynrum, Khliehriat.
Ha ka jingïakhun kaba nyng-kong, ka Diengshynrum SC ka la pynliem da 8-0 kol ïa ka Iongkaluh SC. Ka samla Felicia Sympli ka la khur ïa ka hat-trick da kaba thep marwei haduh saw kol ha ka minit kaba 2, 40, 53, bad 55. Katba kiwei pat ki saw tylli ki kol pat la thep da ka Alisha Lyngdoh ha ka minit kaba 29 & 41 bad ka Evangelin Bareh ha ka minit kaba 23 & 51.
Ha ka jingïakhun kaba bud, ka Dkhiah West SC ka la pynliem da 7-1 kol ïa ka Wapung Combine SC. Ka samla Russia Dkhar mawei ka la khur ïa ka hat-trick da kaba thep haduh saw kol ha ka minit kaba 17, 24, 60 bad 70. Katba ka Batbitbha Bareh ka la ïoh ban thep kol ha ka minit kaba 5 bad 59, bad ka Dakani Shylla ha ka minit kaba 63.
Ïa ka shi kol jong ka Wapung Combine la thep da ka Charlin Nongtdu ha ka minit kaba 46.
