Shillong, Nohprah 14
Ka Meghalaya Speed Skating Association kan sa pynlong ïa ka 2nd Meghalaya Open To All Speed Skating Champion-ship hapoh ki rta bapher bapher ha ka 16 tarik mynta u bnai ha madan Bastketball court jong ka St. Anthony’s Higher Secondary School.
Ïa kane ka lympung la ïatrei lang bad ka Meghalaya Roll Ball Association ha ryngkat ka St. Anthony’s Higher Secondary School. Ïa ka Meghalaya Speed Skating la ithuh da ka ka Speed Skating Federation of India.
Kat kum ka kyrwoh la kam ba ha kane ka lympung, kin sa don shibun ki nongïashim bynta ki ban sa mihkhmat na ki skul bad ki district, ba hapoh ki rta bapher bapher.
