Gangtok, Nohprah:
Ki nongleit jingleit kiba kynthup ïa ki riewtymmen, ki longkmie bad ki khynnah, kiba la sahkut lynti ha kiba bun ki thaiñ jong ka bynta ba shaphang Mihngi jong ka Sikkim namar ka jingjur jong ka jinghap ka ïor bad ka jingthut ka suiñ bneng, ki la shah pyllait im ha ka kynhun jong ki shipai.
Ki shipai jong ka tnat Indian Army ki la ïoh ban pyllait ïa 1217 ngut ki nong-leit jingleit kiba la sahkut lynti ha ki thaiñ kiba shalor lum kiba don ha kane ka bynta ba shaphang Mihngi jong ka Sikkim, la ïathuh ki heh shipai hynnin ka sngi.
Ka jingpyllait im ïa kine ki nongleit jingleit ka la long da ka jingïarap jong ki shipai ka kynhun Trishakti Corps jong ka tnat Indian Army ha kaba ka la ïai bteng haduh ka janmiet jong ka sngi Balang bad baroh ki nongleit jingleit ki la shah pynkynriah sha ki jaka ba don jingshngaiñ bad kine ki la ïoh ki jaka sah, ki jaiñ syaid, ki jingsumar bad ki jingbam kiba khluit, la ïathuh shuh shuh ki shipai.
