New Delhi, Nohprah:
U Lieutenant Governor jong ka Delhi u V.K Saxena bad u Myntri Rangbah u Arvind Kejriwal ki la pyllait paidbah ïa 500 tylli ki bos ilektrik ha Delhi ha ka Sngi Palei. Kum kine baroh jait bos ha ka nongbah ki la don 1,300 tylli.
“Ka Delhi mynta ka la don kumba 1300 tylli ki bos ilektrik, ha kaba ka la don bun bha kum kine ki bos haba ïanujor bad kiwei pat ki nongbah hapoh ka ri. Ngi la hap ban kyntiew bha ha kaba ïadei bad ka leit ka wan,” la ong u Kejriwal ha ka jingïakren bad ki nongthoh khubor. Hashwa ban pyllait paidbah ïa kine ki bos, ki la don lypa kumba 800 tylli ki bos ilektrik kiba la treikam ha ki surok ha Delhi naduh u Kyllalyngkot jong u snem 2022.
