Los Angeles:
U George Clooney ula iathuh ba ka khana ha kaba iadei bad ka bynta thymmai jong ka ‘Ocean’s la dep ban thoh ha kaba une u tyngshop uba la 62 snem uba la ak kum u Danny Ocean u lah ban ak biang ha kane ka bynta.
Ka Ocean ka dei kawei na ki phlim ba itynnad bha jong ki snem ba la leit bad la iohlad ruh ban pynmih haduh katto katne ki bynta.
Ha u snem ban wan ki nongpeitkai kin sa iohlad ban peit ia ka bynta thymmai jong kane ka phlim ha kaba nalor u George kiwei kiwei kiba la shim bynta ki long ruh u Brad Pitt bad Matt Damon.
Haba iakren bad u nongthoh khubor u George ula ong ba ia kane ka bynta thymmai yn ai kyrteng noh da ‘Ocean’s Four teen’ .
U Director Jay Roach naduh u snem ba la leit ula kren halor kane ka bynta thymmai ha kaba ula iathuh ruh ban leit ring sha Monte Carlo.
Nalor kane, ia kane ka bynta yn pyniahap katkum u snem 1962 bad kiwei kiwei ki ban shim bynta lang ki long ruh ka Cate Blan chett, Rihanna, Helena Bonham Carter, Sarah Paulson, Awkwafina, Mindy Kaling bad Anne Hathaway.
Ki bynta ba sha khmat jong kane ka phlim ki la kamai haduh $297 million bad ia kine ki bynta la pynleit jingmut tang ha ka Europe.
Ha ki bnai ba pdeng jong u snem ban wan yn pynkhreh ban leit ring noh ia kane ka phlim bad yn pynmih pat haduh u 2025.
U George nalor jong kane ka phlim un sa ak bad shim bynta ruh ha ki katto katne ki phlim thymmai ha u snem ban wan.
