Nongstoiñ, Nohprah 15
Ka West Khasi Hills District Badminton Association ka la pynkut noh ïa ka lympung ïalehkai 6th Inter Office Badminton Tournament 2023 ha kaba ka kynhun ïalehkai na ka tnad PWD-I ka la khur ïa ka nam lahduh, katba ïa ka kyrdan ba-ar la khur da ka tnad PHE-A.
Haba phai sha ki jingïalehkai final ha katei ka sngi, ha ka open category ïa ka nam jop jong ka men single’s la ïoh ban khur da u Gilbert Wahlang, katba ïa nam rem la ïoh ban khur da u Banteilang Lyngdoh.
Ha ka mixed double ïa ka nam jop la ïoh ban khur da Bantei Lyngdoh bad ka Wandashisha Lyngdoh, katba ïa ka nam ba-ar la ïoh ban khur da u Dr. L.L Mawsor bad ka W.L. Nonglait.
Shuh shuh ha ka kyrdan ophisar (Officer category) la ïa ka nam lahduh la ïoh ban khur da u bah T. Diengngan bad ïa ka KYRDAN ba-ar la ïoh ban khur da u Dr. L.L. Mawsor.
Ha katei ka sngi pynkut u bah Gilbert J. Sangriang, AEE Mechanical Engineer Department of Agriculture u la long u kongsan ha ka jingdon lang ruh ki dkhot ka Synjuk bad kiwei kiwei kiba la sam ruh ïa ki khusnam bapher bapher.
Lah ban kadew hangne ba ïa katei ka lympung kaba ar sngi lynter la pynlong ha Indoor Stadium kaba ha New Nongstoiñ ïa kaba la plie pyrda da u Bah V. Swer (ADC) West Khasi Hills bad la wan ban ïashim bynta da ki 12 tylli ki tnad trei kam ka sorkar hapoh ka District ha ki kyrdan bapher bapher.
