New Delhi, Nohprah:
Ka Sorkar ka kyrshan ïa ka jingkyntiew ïa ki jingdon jingem ha ki kam ki bakongsan ha ki jylla ka thaiñ Shatei Lam Mihngi. Naduh ba la sdang, la mang 181 tylli ki projek kiba shongdor T. 6180.23 klur hapoh ka skhim North East Special Infrastructure Development Scheme (NESIDS) ïa baroh ki jylla ka thaiñ, bad na kine la pyndep 25 tylli ki projek ba shongdor T. 956.77 klur bad ki projek ba dang sah ki don ha ki bynta bapher bapher jong ka jingpyntreikam. Ki jingtip na ka bynta ka jingmang tyngka bad ka jingpyndonkam ïa ki jingbei tyngka hapoh ka skhim North East Special Infrastructure Development Scheme (NESIDS) ki long kumne harum:-
Ka jingmang tyngka bad ka jingpyndonkam ïa ka naduh ba la sdang hapoh ka skhim NESID (Ha ki klur). Ka jingmang tyngka bad jingpyndonkam hapoh ka NESIDS, ha u snem 2018-19 ka long 132.00 0.00, 2019-20 da 549.65 88.16, 2020-21 da 420.70 278.14, 2021-22 ka long 627.48 411.05,2022-23 da 616.24 544.26,2023-24 1788.00 242.75, baroh ka la long: 4134.07 1564.36.
Ïa kane ka jingtip la ai da u Myntri khynnah ba dei khmih ïa ka tnat Development of North Eastern Region u B. L. Verma ha ka jubab ba shu thoh ïa ka jingkylli ha Ïingdorbar Thawaiñ Rajya Sabha ha ka Sngi Palei.
