Los Angeles:
Uwei na ki dkhot ka kynhun rwai Warrant u Erik Turner ula kren halor ka jingthmu kane ka kynhun ban pynmih thup jingrwai ha u snem ban wan ha kaba ka la don ka jingiakren ha kaba iadei bad kane ha kaba lehse ha u snem ban wan kin sa lah ban pynurlong.
Ha shwa jong u Erik, u Joey Allen uba dei ruh u nongtem guitar katei ka kynhun ula dep ban iathuh halor ka jingkwah jong baroh ki dkhot ban pynmih thup thymmai. Hadien jong ka ‘Louder Harder Faster’, ki riewieit jingrwai kin sa iohlad ban sngap sa ia kiwei kiwei ki thup thymmai jong kane ka kynhun kin ban mih hadien habud.
Ka Warrant ka dei kawei na ki kynhun rwai kaba don bun ki nongkyrshan ha kylleng ki bynta jong ki ri ka pyrthei bad bun na ki jingrwai jong ka ki dei ruh kiba la ieit bad sngewtynnad bha da ki riewieit jingrwai.
Kane ka kynhun ka la ioh shim bynta ruh ha ki rynsan jong kylleng ki ri bad hadien ka jingpynmih ia ka thup thymmai kan sa leit rwai kylleng ban pynbna ia ka.
