Jerusalem, Nohprah:
U Myntri Rangbahduh ka Israel- u Benjamin Netanyahu ha ka Sngi Balang u la ong ba yn nym don mano- mano ruh ba lah ban pynsangeh ia ka tham jong ka Israel namar ka Israel kan nym ailad shuh ia ka Hamas ba kan dang khie khlieh biang hadien- habud bad kumta kane ka thma kan iai bteng tad haduh ba ka Hamas kan khyllem syndon jraiñ.
Kumta, utei u nongialam jong ka Israel ha katei ka sngi u la ong ba ka Israel kan nym sangeh da lei-lei ruh ia ka thma bad ym dei ban don mano- mano ruh ki ban tuklar halor ka rai jong ka Israel haba iadei bad ka thma namar ym don mano- mano ruh ba lah ban pynsangeh ia ka. Shuh shuh ruh u la pynksan ba katei ka thma kan iai bteng bad neh tad haduh ba ka Israel kan da ioh ia ka jingjop bad ki shipai ka Israel kin ioh ban synshar hi noh ia katei ka nongbah Gaza bad ia ki paidbah kiba shong hangtei.
