New Delhi, Nohprah:
Ka Israel tad haduh kane ka kynti ruh la ong ba kam shym la pynsngap ïa ki jingdawa bad jingkyntu jong ki tnat bad ki ri bapher ba ka dei ban sangeh noh ïa ka thma naka bynta ka jingim ki paidbah ba lui-lui kiba shong ha Gaza. Hynrei ka Israel ka la rai ban pynhiar kput haduh kaba kut bad ban ioh pynduh- pyndam noh syndon ïa katei ka kynhun lehnoh. Kumta ruh ha katei ka sngi kaba long ka sngi ka jingdap 36 snem jong katei ka kynhun lehnoh ‘Hamas’ naduh ka por ba la seng ïa ka ha u snem 1987, ka Israel ka la ong ba ba ‘to ai ba kane ka jingrakhe dap 36 snem jong ka Hamas, kan long kaba khatduh ha une u snem’.
