Shillong, Nohprah 17
Ka Meghalaya ka la ïoh ban tam da 36 run ha ka pali ba nyngkong ha ka jingïakhun pyrshah ïa ka Mizoram ha ka lympung U-16 Boys’ Vijay Merchant Trophy kaba la long ha ka Sngi U Blei ha Cuttack.
Haba bteng na ka jingkamai run kaba 137 run bad hap 4 wiket, kata hadien ba ka la lah ban khanglad ïa ka Mizoram ba kan kamai tang 179, ki nongtied ka Meghalaya ki la lah ban tied bad kamai haduh 215 run bad hap lut ki wiket, kumta ki la lah ban tam da 36 run ha ka pali ba nyngkong.
Ka jinglah ka Meghalaya, ka dei lyngba ka jingkamai run u Benedict Jones Makdoh bad Manthan Gupta kiba la tied palat haduh 50 run na ka bynta ka wiket kaba khatduh.
