Shillong, Nohprah 17
Ka Meghalaya Speed Skating Association ka la pynkut noh ïa ka 2nd Meghalaya Open Speed Skating Championship ha ka 16 tarik u Nohprah, 2023 ha ryngkat ka jingïatreilang bad ka St. An-thony’s Higher Seconda-ry School bad ka Megha-laya Roll Ball Association hapoh madan skul jong ka St. Anthony’s Higher Secondary School.
Kane ka Champion-ship ka la khring haduh 50 tam ki nongïashim bynta ba la phiah ha ki rta bapher bapher bad kum-juh ruh na ki skul ki district hapoh kane ka jylla.
Kane ka jinglehkai ka pynpaw ruh ïa ki sap ki phong jong ki nongïashim bynta ha kaba ïadei bad ka jingsted ban skate bad kiwei kiwei. Kane ka cham -pionship ka long kaba ïarap shibun eh ha kaban wanrah ïa mynsiem ïaleh hapdeng ki nongïashim bynta bad kumjuh ruh ban pynkiew ïa kane ka jingïa-lehkai khamtam eh ha kane ka jylla.
U Bah Suklang Dkhar, President jong ka Megha-laya Speed Skating Asso-ciation bad General Secre -tary jong ka Meghalaya Roll Ball Association, u la pynpaw ïa ka jingsngewkmen ha kaba kane ka championship ka la long kaba seisoh ba ki nongïa-shim bynta ki la lehkai bha met bad mynsiem bad u la ïai ban ruh ban lah dei ban kham pynkiew shuh shuh ïa kane ka speed skating hapoh Meghalaya.
Ïa ki nongjop na ki kyrdan bapher bapher la sam da ki medal bad syrnod. U President jong ka Meghalaya Roll Ball Association ruh u la don lang ha katei ka sngi. Ka Association ka kwah ban ai ïa ka jingsngewsnguh kaba khraw ïa baroh ki dkhot, Principal jong ka St. Anthony’s Higher Secondary School, ki kmie ki kpa bad baroh ki nongïashim bynta, kaba la wanrah ïa ka jingjop bad jingseisoh ha kane ka championship.
