Mawkyrwat, Nohprah 17
Ka KMC Football Club Sonapur na Assam ka la khur jingjop bad ïoh rung sha ka jingïakhun quater-final ka lympung Mawlangwir Football Invitation Tournament 2023-24 ba la pynïaid da ka Mawlangwir Sports Club.
Ka jingïoh rung quarter final ka KMC ka la long hadien ba ka la pynliem ïa ka Smit Football Club da 3-0 kol. Ïa ki kol ka KMC la thep da u Owan Pajuh uba phong ïa ka jersey 11 ha ka minit ba 60, u Dibor Kassah jersey 9 ha ka minit ba 71 bad u Donbok Lyng-doh jersey no16 ha ka minit ba 82.
Ha kane ka jingïalehkai, ïa ka nam ‘Man of the Match’ la ïoh da u Owan Pajuh bad ïa kane ka khusnam la sam da u Bah Kitborlang Nongrem, President ka NPYF State Meghalaya.
Ka Mawlangwir Sport Club ka la pyntip ba ka jingïalehkai ka ban bud, kaba dei ruh ka jinglehkai kaba khatduh jong ka pre-quater final kan long hapdeng ka 7 Wasa Football Club na Jaintia Hills pyrshah ïa ka Imphal Football Club na Manipur ha ka 23 tarik mynta u bnai ha ka por 1:30 mynsngi ha Rowell Lyngdoh Stadium Mawkyrwat.
