Imphal, Nohprah:
Ki longkmie ha Manipur kiba la don ha ka rta 40 snem shaneng kin sa ïoh jingïarap pisa man u snem da T. 6000 na ka sorkar jylla. Ïa kane la dep ban pynbna da u Myntri Rangbah jong ka Manipur u N Biren Singh ha kine ki khyndiat sngi ba la leit.
U Singh u la ong ba ka sorkar jylla kan sa pynbiang pisa da T. 500 shi sien shi bnai sha ki longkmie kiba naduh ka rta kaba 40 snem shaneng.
U la ong ba ka jingïarap pisa kan sa ïarap ïa ki longkmie ba kin lah ban pynbiang ïa ki jingdonkam hapoh ïing hapoh sem jong ki.
Kiba bun na ki skhim la dep ban pyllait da ka sorkar jylla hynrei ka bynta kaba ïadei bad ki longkmie kam shym la treikam khamtam na ka bynta kito kiba la don ha ka rta kaba 40 snem haduh 60 snem, wat lada ngi la kynthup lang na ka bynta kiba 40 snem shaneng,” la ong u Myntri Rangbah jong ka Manipur.
Ïa kane ka skhim kaba thymmai la tip kum ka Ima Nongthangleima Yaipha Tengbang.Kane ka skhim kan treikam noh shen.
“Lyngba ka jingïarap pisa lyngba ka skhim Ima Nongthangleima Yaipha Tengbang ka la long ka jingpynkupbor bad kyrshan ïa ki longkmie, ban ai jingkyrshan pisa ïa ki ha kaba kane ka la long ka jingnoh synñiang ha kiba bun ki liang,” la ong shuh shuh u Myntri Rangbah.
Kumba la khmih bniah, la ong ba kane ka skhim kan sa ai jingïarap la kumno kumno sha 4 lak ngut ki longkmie ha Manipur, kiba la don ha ka rta kaba 40 snem ka rta.
