Shillong, Nohprah 18
Ka Meghalaya ka la pynliem noh ïa ka Manipur da 152 run ha ka sngi kaba saw bad kaba khatduh jong ka U-19 men’s Cooch Behar Trophy kaba la long ha ka Lah Sngi U Blei ha madan MCA, Polo.
Kane ka jingjop ka la pynlong ïa ka Meghalaya ban wan ha ka kyrdan ba-ar ha ka Plate Group, kata hadien ka Nagaland bad ki la jam sha ka semi final.
Ha kane ka jingïa-khun, ka Meghalaya ka la shimti ban tied nyngkong ha kaba ka la kamai 320 run bad shah pynhap 10 wiket hashwa ba ka Manipur kan shah pyn-khyllem baroh wiket na ka bynta ban kamai 267 run. Hadien ka Meghalaya ka la kynjoh sha ki 216 run ha ka inning kaba ar, na ka bynta ban buh thong ïa ka Manipur da 270 run ban kynjoh sha ka thong.
Hynrei ka Manipur ka la shem jingeh ban ïalehkai bha ha kaba ka la shah pynkhyllem badoh ki nongtied na ka bynta ban kamai 117 run ha ka inning kaba ar.
Ki nongkawang bol ka Meghalaya kiba la lah ban pynhap wiket ki long u Kishlay Vishlux (2/10) ha ki 6 over, katba u Avinash Rai u la khur 2/17 ha ki 7 over. Kawei kaba u la lah ban pynhap wiket ka long ia u Md Aqeel Ahamed, uba la lah ban khyrwit ia ka spah run na ka bynta ka Manipur ha ka inning kaba nyngkong.
U Shavian Blah (2/21 in 15.5 overs), Angkit Tamang (2/55 in 12) bad u Balgrik Sangma (1/12 in 3) ki la long kiwei pat kiba la lah ban pynhap wiket.
Te kumta ka Meghalaya kan ïakynduh pyrshah ïa ka Arunachal Pradesh ha ka semi final, kaba la thmu ban pynlong ha kane ka nongbah bad ïa ka tarik yn sa pynbna shen. Kham hashwa ka Meghalaya ka la lah ban pynliem ïa ka Arunachal da shi inning bad 76 run.
