Mumbai, Nohprah:
Na ka jingkhmih bniah, la ong ba ha ki 10 bnai ba la leit jong une u snem ba mynta, la lap ba ki la don kumba 534 tylli jingtei ki bym shym la lah ban ithuh hadien ba la dep ban shna. Ka jingdon jong kine ki ïing la ïoh lum jingkheiñ bad pyni da ka Civic Body bad paw ba la don baroh kumba 15,000 tylli kiba kum kine ki ïing.
Kumba la ïathuh ki heh ba dei khmih, la ong ba la dep ban phah jingthoh ban pynpaw ka jingpyrshah jur sha kiba bun ki trai jong kine ki ïing, bad wat haduh u pud ban buh jingujor ïa kiba bun hakhmat ki pulit.
U Dinanath Mhatre, uba long u nongïalam jong ka Shiv Sena (UBT) na Ghansoli, u la ong, “Wat lada la pynshitom pyrshah ïa ki nong pynkheiñ aiñ ha ki snem ba la leit da ka NMMC bad ka City and Industrial Development Corporation, ka la paw ba kam pat biang. Kiba bun na ki jingshna kiba long beaiñ ki dei kiba la shna ha ki thaiñ ba kham sha kyndong ha kaba kine ki jaka kim da ngat hapoh ka jingshah khmih bniah.” U la ong ba la dep ban mudui pyrshah ïa ki da bun bun sien.
“Ki la don bun tylli ki ïing ïa kiba la shna lynter ne bun kynrad katba kiba bun ki ïing heh bad bun mala la shna ha ki LIG (Low Income Group) Colony. Ha kano ka rukom ki bor ba dei khmih kim ïohi ïa ki?” Kumba la ïohlum jingkheiñ la ong ba ha u snem 2018 kiba kum kine ki ïing ki la don 12,000 tylli, ha kaba ka la kiew sha palat 15,000 tylli ha palat san snem ba la leit, u la ong.
