Aizaw;, Nohprah:
U Myntri Rangbah jong ka Mizoram u Lalduhoma ha ki khyndiat sngi ba la dep u la ong ba ka sorkar Zoram People’s Movement (ZPM) jong u kan sa ïai bteng ha ka ban pynbiang ki jaka sah sha palat 45,500 ngut ki briew kiba la wan buhai shnong na Myanmar, Bangladesh, bad Manipur kiba la phet sha ka jylla hadien ba ki la mih ki kam thombor bad shah leh donbor jong ki.
U Myntri Rangbah u la ong ba u la dep ban ïakren lypa halor kane bad u Myntri jong ka sorkar kmie uba dei khmih ïa ka tnat ki kam pohïing u Amit Shah bad u External Affairs Minister u S. Jaishankar halor kane ka kam kaba ïadei bad ki poiwir lyngba ka phone hashwa ka jingbamsmai jong u kum u Myntri Rangbah ka jylla ha ka 8 tarik, Nohprah.
U Lalduhoma u la ong ba shen un sa leit ban ïakynduh ïa u Shah bad ïa u Jaishankar ha Delhi na ka bynta ban ïakren halor ka mat ba ïadei bad ki poiwir bad ban pan ka jingïarap bad ka jingkyrshan na ka sorkar kmie.
