Shillong, Nohprah 18
Ka kynhun ki ‘rang bad ‘thei ïalehkai ka East Khasi Hills District ki la rah ïa ka nam lahduh ne Overall Champions ha ka 29th State Karate Champion-ship ba la pynïaid da ka All Meghalaya Karate-Do Association (AMKA).
Ïa kane ka lympung ba la kyrshan lang da ka tnat Sports and Youth Affairs jong ka Sorkar Jylla, la pynkut noh ha ka sngi Saitjaiñ ha JN Indoor Stadium, Polo.
Ha kane ka lympung ki la don baroh 372 ki nongïalehkai karate kiba naduh kiba 10 snem haduh kiba la san ki senior kiba la wan ban ïashim bynta na kylleng ka Jylla.
U Prof Dr. C Daniala, Medical Superintendent jong ka NEIGRIHMS u la long u kongsan ha kane ka sngi ha jingïadon lang u General Secretary ka Megha -laya State Olympic Asso-ciation (MSOA) u Bah Finely L Pariat, u Executive Council Member ka MSOA Bah Dipshon Ryntathiang bad Deputy Chief Accounts Officer jong ka MeECL Bah Aibor -lang Shabong bad kiwei.
Ïa ka kyrdan ba-ar ha ka liang ki shynrang la khur da ak Ri-Bhoi bad ka West Jaintia Hills ha ka liang ki kynthei. Ïa ka nam Best Karateka na ki khynnah shynrang la ïoh da u Hymnson Challam jong ka West Jaiñtia Hills hadien ba u la ïoh khur takma ksiar ha ka Boys’ 13 Years kumite. Katba ïa ka nam Best Karateka ha ka men’s division la ïoh rah da u Paul Danny Kharmudai jong ka East Khasi Hills, uba la khur ar tylli ki takma ksiar ha ka Men’s +60kg kumite bad Men’s Open kata.
Ha ka girls’ division ne jong ki kynthei, ïa ka nam Best Karateka ka la leit sha ka Kimjonlhing Silthou jong ka East Khasi Hills, kaba la khur ïa ka takma ksiar ha ka Girls’ 8 Years kumite. Ka Rebeka Nongspung na East Khasi Hills, ka la jop ïa ka jingïakhun na ki kynthei, kaba la ïoh ar tylli ki takma ksiar ha ka Women’s -50kg kumite bad Women’s Open kata.
Mynta kine ki nongïalehkai karate kin pynkhreh ban kilanmet pat na ka bynta ka 5th Meghalaya Games ka ban long ha u Kyllalyngkot jong u snem ban wan ha Tura.
