Shillong, Nohprah 18
Ka Pomsanngut SC bad ka Thaiñthynroh SC ki la jam sha ka final ha ka lympung ïalehkai First bad Second Division Football Tournament ba la pynïaid da ka Tyrsad Area Sports Association.
Ha ka jingïakhun ka semi final jong ka 1st Division, ka Pomsanngut ka la pynliem noh ïa ka Nongspung SC da 3-2 kol.
Ha kane ka jingïakhun ka Nongspung SC ka la ïoh pynkhih jar nyngkong ha ka kylla step lyngba u Firstarwell Syiemlieh ha ka minit kaba 37. Hynrei ha ka kylla miet ka Pomsanngut ka la ïoh ban pynphai kylla lyngba u Shlur K. Shillot ha ka minit kaba 51. Hadien katto katne minit ka Nongspung SC ka la ïoh thep ïa ka kol kaba ar lyngba ka penalty ba la shut da u Roshalles Kharphulli (55).
Ka Pomsanngut ka la ïakhun tyngeh ha kaba ka la ïoh ban pynphai kylla lyngba u Enes Kharbani (65) bad ïa kawei pat la thep lyngba ka penalty ba la shut da u Lestar Umdor ha ka mint kaba 81 na ka bynta ban khur syndon ïa ka jingjop.
Haba phai sha ka Second Division, ka Thaiñthyn-roh SC ka la pynliem noh ia ka ïa ka Nongwah SC lyng -ba ka tie-breaker da 6-5 kol.
Kawei pat ka jingïakhun semi final kaba ar jong ka Third Division kan long ha ka 20 tarik hapdeng ka Mawkynroh SC pyrshah ia ka Wahnongkseh SC ha ka por 12 baje mynsngi, katba ha ka 1st Division kan long hapdeng ka Mawponghong SC pyrshah ia ka Mawlum Tyrsad SC ha ka por 2 baje janmiet.
