Shillong, Nohprah 18
Ka Mawtawar SC bad ka Pohkseh SC ki la jam sha ka final ha ka Second Division Football League ba la pynïaid da ka Shillong Sports Association ha kaba kin ïaknieh ïa ka nam lahduh ha ka sngi Palei ha SSA Stadium ha ka por 1:30 noh phai sngi.
Ha ka jingïakhun semi final kaba ar kaba la long ha ka Lah Sngi U Blei, ka Mawtawar SC ka la pynliem noh ïa ka Nongrah SC da 2-1 kol.
Tang mar ïasdang ka jingïakhun ka Nongrah ka la ïoh ban pynkhih jar nyng-kong eh lyngba u Kerionald Pyngrope ha ka minit kaba 6. Hynrei hashwa ban kut ka kylla step la Mawtawar ka la lah ban pynphai kylla lyngba u Elnathan Donkupar Hahlang ha ka minit kaba 41.
Ka Mawtawar ka la ïoh ban thep biang sa shi kol hashwa ban wai lyngba u Fredrick Lyngdoh ha ka minit kaba 85 na ka bynta ban khur syndon ïa ka jingjop.
Haba phai sha ka semi final kaba nyngkong kaba la long ha ka sngi Saitjaiñ, ka Pohkseh SC ka la jop da 3-0 kol ïa ka Sohryngkham SC.
Te kumta ka Pohkseh bad ka Mawtawar ki la long ki kynhun kiba la jam sha ka First Division bad kin ïoh ban ïashim bynta naduh u snem ban wan.
