Nongstoiñ, Nohprah 19
Ka kynhun ïalehkai jong ka Upper New Nongstoiñ ka la ïoh jingjop ha ka lympung ïalehkai NDSA Premier League Football Tournament 2023-24.
Kane ka nam jop ka la wan urlong hadien ba ka la lah ban pynliem noh ïa ka Pyndengrei SCSC da 3-1 kol ha ka sngi Ba-ar ha madan NDSA kaba don ha Nongpyndeng bad u Shai Nongsiej u la ïoh ïa ka hat-trick.
Ha kane ka jingïakhun baroh ar ki kynhun ki la pyrshang ban ïakhun tyngeh, hynrei kim shym la lah ban pynkhih jar haduh kaba kut jong ka kylla step.
Dei ha ka kylla miet ba ka Upper New Nongstoiñ ka la ïoh ban thep kol nyngkong eh lyngba u Shai Nongsiej ha ka minit kaba 52. Une u rangïalehkai shakhmat u la thep biang ïa ka kol kaba ar ha ka minit kab 55.
Hadien katto katne por u Shai u la thep biang sa shi kol ha ka minit kaba 79 na ka bynta ban khur syndon ïa ka hat-trick. Hashwa ban wai ka Pyndengrei ka la ïoh ban pynphai kylla shi kol lyngba u Bankitboklang Mwrein ha ka minit 86 hashwa ba kan mad ïa ka jingshah rem.
