Chandigarh, Nohprah:
U nongaiktien jong ki shipai ka tnat BSF u la ïathuh ba ki shipai ki la lap ïa ar tylli ki Drone bad lajan 1 kilo u Heroin hajan ka khappud India-Pakistan ha Amritsar kaba don ha Punjab ha ka sngi Ba-ar. Ïa kine ki Drone la lap hajan ka shnong Dhanoe Khurd kaba don ha Amritsar hynnin ka step.
Ha ka por ba ka la don ka jingleit khynra jong ki shipai ha ryngkat ki pulit jong ka Punjab, la lap ïa ka Drone ba la shna ha China bad ïa ka song jong u Heroin uba don ka jingkhia kaba 430 gram na kawei ka madan. La lap ruh ïa u Ring Nylon bad ka Torch ka barit ba la teh ha kane ka song, la ïathuh u nongaiktien. Ki shipai BSF ki la lap sa ïa kawei pat ka Drone ha kajuh ka shnong kata ha Dhanoe Khurd ha ka janmiet jong ka lah sngi U Blei.
Ha ka por ba la don ka jingleit khmih bniah, la lap ïa ka Drone ba la shna ha China bad ka song jong u Heroin uba don ka jingkhia kaba 540 gram, la ïathuh shuh shuh u nongaiktien.
